- - -


الكلمات :

غافل الهم قلبي والزمان استدار
وشوقي اللي هويته اصبح اليوم ضدي

طال ليلي ألا وينه أبيه النهار
وضاعت خطاي حتى الدرب عيا يودي

يالغظي كيف أشوف الحلم والنوم طار
والحقيقه تعلّ الحيل غصب وتهدي

كل حزنٍ تلملم من يمين ويسار
واجتمع في خفوقٍ باح سده وسدي

ناظر الحال والعود الخضر كيف صار
الشقى محتويني والتعب مستبدي

خالف الحظ عمري واستثار الغبار
والبيارق تهاوت والهزيمه بيدي

يالغضي طحت كلي في دهاليز نار
واستحالت دموعي جمرةٍ فوق خدي

آه وا شقوة اللي عايشٍ في انتظار
من كثير التعاسه ما درى ويش يبدي



-



#محمد_عبده