حلقات مقترحة

تفكيك الاتحاد الأوروبى
   • فرنسا تغادر الاتحاد الأوروبي  
العركة ابتدت
   • حرب روسيا على اوكرانيا  
الصين باعت روسيا
   • تخلى الصين عن روسيا وتهديد العالم بال...  
إيران تنقذ روسيا
   • ايران تنقذ روسيا من الفخ الأمريكي  
تركيا خدعت الكل
   • كيف استغلت تركيا حرب روسيا واوكرانيا  
مصر تنقذ اوروبا
   • مصر تنقذ أوروبا من قبضة بوتن  
نهاية الحرب
   • ألمانيا تتدخل لإنهاء حرب روسيا واوكرا...  
هزيمة بوتن
   • فضيحة بوتن بعد ضرب قاعدته الجوية  
العقوبات طلعت فشنك
   • حرب روسيا وأوكرانيا  



من كام يوم.. اتفاجئ الشعب الأمريكى بضربة وجهتها الاستخبارات الصينية لقلب وزارة الدفاع الأمريكية.. ومش بس وزارة الدفاع أو البنتاجون.. دى الاستخبارات الصينية قدرت توجه ضربات تانيه لغيرها من الوزارات الأمريكية.. والضربة كانت عبارة عن فساد اكتر من 2600 مسؤول فى الحكومة الأمريكية.. فساد قدر ينهش قلب الاقتصاد الأمريكى ودواير صناعة القرار فى الحكومة الأمريكية نفسها.. وخلينى أحكيلك..

حضراتكم أكيد متابعين العمليات العسكرية الدايرة بين أمريكا والصين فى المحيط الهادئ.. هناك عند تايوان.. وبرده متابعين الحرب الاقتصادية الدايرة بين البلدين.. واللى بتحاول فيها أمريكا تخنق الاقتصاد الصينى.. إلا إن صحيفة الواشنطن بوست الأمريكية فجرت مفاجأة من العيار التقيل خلال اليومين اللى فاتو.. المفاجأة بتقول.. إن مجموعة من اهم مسؤولى وزارة الدفاع الأمريكية.. استغلوا منصابهم واطلاعهم على تفاصيل العمليات العسكرية.. وقرارات العقوبات الاقتصادية اللى بتجهزها الحكومة الأمريكية لفرضها على الشركات الصينية.. وبدءوا يشتروا أسهم فى الشركات الصينية اللى عارفين ان أسعار أسهمها هترتفع بعد القرارات الأمريكية.. وبعدين يبيعوا الأسهم دى قبل ما الحكومة الأمريكية تفرض علي الشركات الصينية عقوبات اقتصادية.. وبالتالى قدروا انهم يحققوا ملايين الدولارات من خلال استغلال نفوذهم ومناصبهم فى وزارة الدفاع الأمريكية..

بالبلدى كده سيدى المواطن علشان لو لسه مش مستوعب اللى حصل.. الجنرالات فى وزارة الدفاع الأمريكية.. بيبقوا عارفين بحكم مناصبهم تفاصيل ومواعيد العمليات العسكرية اللى هتتنفذ ضد الصين.. واللى بطبيعة الحال بتأثر على البورصة الصينية وأسعار أسهم الشركات هناك.. فراحوا اشتروا عدد كبير من أسهم الشركات الصينية اللى هما عارفين ان أسعارها هتزيد أو هتقل بعد الإعلان عن القرارات الأمريكية..

حضرتك تقولى طيب وايه علاقة الاستخبارات الصينية بالموضوع.. أقولك ان الحزب الشيوعى الحاكم فى الصين.. بيسيطر على كل الشركات الصينية من أول صناعة القرار فيها.. لحد البيانات والمعلومات اللى بتمتلكها الشركات دى.. والحزب الشيوعى الحاكم يعنى الاستخبارات الصينية.. ده لأنها بتخدمه بالأساس.. وبالتالى دخول أى مستثمر أمريكى ضمن أصحاب رأس مال الشركات الصينية.. لازم يمر على الاستخبارات الصينية.. اللى بتوافق أو ترفض.. وبما ان جنرالات وزارة الدفاع الأمريكية اشتروا حصة من أسهم الشركات الصينية بالفعل.. تبقى الاستخبارات الصينية وافقت على ده.. ويبقى هنا السؤال.. هى وافقت ليه؟.. أقولك لأن الجنرال الأمريكي لما يبقى صاحب رأس مال فى الشركة الصينية.. هيخاف على فلوسه.. وبالتالى هيستخدم نفوذه فى صناعة القرار الأمريكى - بالشكل اللى يساعد الشركات الصينية اللى هو مساهم فيها - انها تكسب أكتر وتحقق أرباح أكتر..

وده فعلا اللى حصل.. فمثلا صحيفة الواشنطن بوست الأمريكية بتقول فى تحقيق صحفى نشرته.. ان جنرالات وزارة الدفاع الأمريكية مش بس كانوا بيستغلوا مناصبهم فى الاستفادة من المعلومات اللى بيقدروا يوصلولها بحكم مناصبهم!.. دول كانوا بيتدخلوا فى صناعة القرارات بالشكل اللى يساعد فى ارتفاع أسعار أسهم الشركات الصينية اللى هما شاريينها.. حتى ولو كانت القرارات دى ضد مصلحة الأمن القومى الأمريكي.. وهنا تبقى الاستخبارات الصينية معملتش حاجه غير انها سمحت لجشع وطمع الجنرالات الأمريكيين.. انه يساعدها فى ضرب الأمن القومى الأمريكي..

سيدى المواطن أمريكا اكتشفت اليومين اللى فاتو بس.. ان وزارة الدفاع الأمريكية.. أو البنتاغون.. بتضم أكبر عدد من المسؤوليين اللى بيستثمروا فلوسهم فى الشركات الصينية.. وانا هنا بكلمك عن وزارة الدفاع.. يعنى كل كلمة او قرار فيها.. مرتبط بالأمن القومى الأمريكي وش.. الموضوع مفيهوش فصال ولا هزار.. ومكنتش دى المشكلة الوحيدة.. لأن المسؤولين الأمريكيين اللى بيستغلوا نفوذهم ومناصبهم فى تحقيق أرباح عن طريق الاستثمار فى الشركات الصينية مكنوش بس فى وزارة الدفاع الأمريكية.. بالعكس.. ده الموضوع وصل للبيت الأبيض ووزارة الخارجية الأمريكية.. فى أكتر من 400 مسؤول حكومى فيدرالى أغلبهم فى البيت الأبيض ووزارة الخارجية الأمريكية.. بتربطهم مصالح مباشرة وسرية مع الشركات الصينية.. بياكلوا عيش من وراها يعنى..

بالبلدى كده علشان لو حضرتك لسه مش مستوعب اللى بقوله.. فى ناس حولين الرئيس الأمريكي جو بايدن.. مسؤوليين من اللى بيساعدوه فى صناعة القرار جوا البيت الأبيض.. جوه مكتبه.. بيتربحوا من ورا الشركات الصينية.. والاستخبارات الصينية عارفه كده وسايباهم.. ليه سايباهم؟.. لأنها عارفه ومتأكده انهم مهما خدو من قرارات ضد شركاتها واقتصادها بشكل عام.. إلا إنهم هييجوا عند درجة معينه وهما نفسهم هيمنعوا أى قرار يوقع الشركات الصينية.. وده ليه؟.. لأنهم بكل بساطة هما نفسهم أصحاب الشركات دى.. أو على أقل تقدير من بين أصحاب رأس المال فيها.. وبالتالى يهمهم ان الشركات تفضل شغاله وبتكسب وأرباحها بتزيد يوم عن التانى..

وخد عندك القنبلة دى.. خبر قنبلة.. فى واحد فى وزارة الدفاع الأمريكية اسمه ريد ويرنر.. وده نائب مساعد وزير الدفاع الأمريكي.. طيب قصته ايه الراجل ده؟.. هحكيلك..


من المصادر
https://on.wsj.com/3NeCVqz
https://bit.ly/3UeKvE7
https://bit.ly/3FqcsEq

#المواطن_سعيد #روسيا_اوكرانيا