C君欲爆撇甩黃翠如拍新節目原因 即被對方掩嘴禁爆料

TVB幫客戶度身訂製嘅旅遊節目《Grand住去台北》，以及公眾教育計劃短片《防騙大查樓》，喺每年表揚創新、創意同成功市務方案嘅Marketing界盛事頒獎禮中，分別獲得「最佳原創內容」、「最佳品牌內容應用」兩項金獎，以及「最佳媒體宣傳項目 企業社會責任」銀獎。黃翠如、C君同周嘉洛呢晚現身頒獎禮上台領獎，有咁好嘅成績，C君同翠如當然好開心啦！翠如話好難忘第一次包機出trip，過程中仲可以同其他乘客傾偈，對佢地嚟講都係好新鮮嘅體驗。

上次就Grand住去台北，享受過頂級體驗，難免會提高對旅行嘅要求，C君就大賣口乖話只要同翠如拍住上，去邊度都得，不過C君嚟緊將出發大阪拍節目，翠如就冇份，問到原因，C君就似乎有嘢想爆，大家自己估下係咩事啦！

嘉洛今次拍攝防騙短片，可以得獎固然開心，但最開心係成個團隊可以一齊上台。嘉洛話拍攝節目嘅過程自己都學到唔少嘢，增加好多防騙知識。呢排回歸《愛·回家之開心速遞》嘅嘉洛仲話，一回歸就有劇組幫佢慶生，真係好溫暖呀！

#黃翠如 #C君 #周嘉洛 #TVB優質節目 #兩金一銀 #Grand住去台北 #防騙大查樓 #最佳媒體宣傳項目 #企業社會責任 #最佳原創內容 #最佳品牌內容應用
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0