شنو هي أحسن طريقة تولي بيها طيارة فالكونجيكيزو ؟
و تولي حتى نتا طير فتصريف الأفعال فجميع الأزمنة، من الماضي حتى للمُستقبل ؟ خاصة و أنني
كا نعقل على راسي أول مرة هداني الله نهز الدكسيونير نقلب فيه على شي كلمة فالفرنسية، لاقاني الله مع كلمة suis قلبت عليها حتى طبت ما لقيتهاش، طلع ليا الدم و حلفت ما نعاود ندور بساحة الفرونسي حتى خديت الباك ديالي و وقفت على الأهمية ديالها و قلت أجي نشوف شنو كا تعني، حتى لقيت أن الأصل ديالها هو كلمة être و لكن حبس عليا أخويا، هداااا عليا ...
ملي كا نشوف كلمة être ما كاتبان ليا لا إس و لا تي و لا إيغ ولا أو ... آش جاب هادي لهادي ؟
ياك فالعربية كا نلقاو كان يكُون كُن ...
فعلاش ملي كا نجيو حتى للفعل être هو يكُون ، ملي كا نجي نبغي نقُول أكونُ كا تولي : suis
هاد السؤال و غيرو من الأسئلة لي متعلقة بتصريف الأفعال فجميع الأزمنة هو لي غا نجاوبو عليه بإذن الله فهاد الفيديو لي ضروري تكملو حتى للخر إذا بغيتي ربي يحلل عقدة من لسانك في الفرنسية كيما حلها ليا.
على بركة الله، ياااالا نبداااو.
أول زمن غا نتعلموه فهاد السلسلة هو زمن الحاضر، و لي هو دابا، إذا سولتك فهاد اللحظة شنو كا دير ؟
غا تجاوبني : كا نتفرج فالفيديو .
و ما غاديش تقول ليا " تفرجت فالفيديو " لأنك إذا قلتيها غا تكُون كا تهضر على البارح، و لي هو زمن الماضي لي غا نشرحوه فالحلقة المقبلة، و ما غا تقُولش ليا :
غانتفرج فالفيديو، لأنك إذا درتيها غا تكون كا تهضر على غدا و لي هو المستقبل، و لي غا نشرحوه فالحلقة الثالثة، هنا السؤال لي كا يطرح راسو قبل ما نتطرقو لطريقة تصريف الفعل، هو إمتى خاصني نستعمل زمن الحاضر ؟
أكيد أنك عارف الجواب، و هو بكل بساطة ملي تكُون كا تهضر على شي حدث فنفس اللحظة لي كا يوقع ليك، بحال صوتي نيت فهاد الفيديو، إذا شافك بابك خاشي ليزيات فودنيك و سولك لاش كا تسمع، غا تقُول ليه :
كا نسمع لفاينبرت، و لكن حبس، إذا كنا كا نستخدمو الحاضر لهاد السبب، علاش ملي كان بغيو نقُولو :
" كا نتفرج ليوتيوب كل نهار " ياك فاللحظة لي قلت فيها هاد الجملة، ماكنتش كا نتفرج ؟ فعلاش خدمنا زمن الحاضر، هااااا، هنا غا نقُول ليك أن le present ماتدارش غير باش نهضرو بيه على دابا، و لكن تدار باش نهضرو بيه على :
1- أي حقيقة ثابثة بحال دوران الأرض حول الشمس، غا نقولو : "لرض كا دور على الشمس" و ما غا نقُولوش دارت، لأننا إذا قلناها يعني أنها سالات، و ما غا نقولوش غا دور، لأننا إذا قلناها فهذا كا يعني أنها حابسة دابا، و بالتالي كا يبقى التعبير السليم هو نقُولو : لرض كا دور على الشمس، و هادشي علاش ملي كان بغيو نهضرو على أي حقيقة ثابتة ضروري نستخدمو le présent .
2- ثاني سبب كا يخلينا نستخدمو زمن الحاضر هو ملي نكونو كا نهضرو على " العادة " أو "الروتين" ديالنا، مثلا، "كا نمشي لاصال كل نهار" ما يصلاحش تقُول : " مشيت ليه كل نهار" .
3- ملي نستخدمو كلمات بحال " دابا " aussitot " " حاليا " actuellement أو " فهاد اللحظة en ce moment و بصفة عامة أي كلمة كا تعبر على اللحظة الحاليا فراه كا توجب علينا نستخدمو le présent .
و دابا من بعد ما عرفنا إمتى خاصنا نستخدمو زمن الحاضر ، أجينا نتعلمو كيفاش كا يخدم ؟
قبل ما نشرحو طريقة استخدامو ضرووري نقسمو الأفعال لثلاثة ديال الكليكات :
الكليكة رقم واحد : لي كا يتسالاو ب er
بحال chanter jouer
الكليكة الثانية لي كا يتسالاو بissant ir بحال : finir choisir و إخوانهُم
و الكليكة الثالثة لي كا يتسالاو ب oir بحال voir و ire بحال dire و dre بحال prendre و حتى هنايا كاينة ir بحال dormir
و باش تعقل عليهوم كاملين و بالترتيب يمكن ليك تجمعهوم فهاد الكلمة :
Eriroiriredre
من بعد ما تعرفنا على المجموعات الثلاثة، أجيو نشوفو كل مجموعة كيفاش كا تخدم ؟
المجموعة الأولى ساهلة ماهلة، كا نحيدو er
و كان عوضوها ب
e es e ons ez ent
بالنسبة للمجموعة الثانية حتى هي ساهلة كا نحيدو ir
s s t issons issez issent
و بالنسبة للمجموعة الثالثة oirirdre لي كا تشبه لواغير هضر، كان صرفوها على حساب الحالة، و للأسف فيها بزاف ديال الحالات الإستثنائية لي كا تصعب علينا نخرجو منها قاعدة عامة و لذلك النويطات لي غا نبارتاجي معاكوم دابا ماشي ديما خاص تطبقوهوم، ردو البال لكل حالة :
الحالة ديال الأفعال لي كا يساليو ب dre
غالبا كا يكون التصريف ديالهوم فالحاضر هاكدا
، كا نحيدو re و كان عوضوها ب s s ons ez ent
مثال : الفعل prendre
Prends prends prend prenons prenez prennent
بحال الفعل apprendre حتى هو غا يخضع لنفس القاعدة.
أيضا من بين الحالات الخاصة ، الفعل dormir
لي كا يتصرف كاالتالي ، كا نحيدو mir و كان عوضوها ب s s t ons ez ent
كا نلاحضو أنهُ ففعل prendre حينا re و ففعل dormir حيدنا mir
و بالتالي هنا كا نستنتجو أنهُ ما كايناش قاعدة عامة، و كا نقولها و نعاودها أن أفضل طريقة لضبط القواعد هي الممارسة ديالها غا تضبط لاشعوريا، و هادشي علاش نصحتكوم ففيديو تعلم اللغة فسبعين يوم أنكُم تديرو قائمة بالأفعال اليومية لي كا تستخدمو و تدربو على تصريفها عن طريق تركيبها فجُمل مفيدة.
و هادشي علاش غا نبارتاجي معاكوم الأفعال التسعة الأكثر استخداما فالفرنسية بصفة عامة و لي التصريف ديالها خاصكوم تحفظوه عن ظهر قلب عن
و دابا ندوزو لفقرة الحالات الخاصة لي ضروري خاصكوم تضبطوها و لي كا يركزو عليها الأساتذة فالإمتحانات و المباريات لأن الأغلبية كا تقُولب فيها، أول حالة خاصة هي :
1- الأفعال التي تنتهي ب cer
مثل avancer commencer
هاد الأفعال ملي كا يكونو معروضين للعرس ديال نحنُ nous كا يكون عزيز على C تلبس حلقة فودنيها كا تسمى سي سيديل ديرا بحال خمسة، باش لي شاف فيها تقول ليه خمسة فعينيك و ما يضربهاش بالعين، باش ما نطقوهاش k و لأننا إذا ما درناهاش غا نطقوها NOUS AVANKONS
2- الأفعال التي تنتهي ب ger
#conjugaison
#français
#grammaire