BEQA KO DOMON

E vakalidi maravu a delani wasawasa
Sili sevusevu noqu waqa vakalaca
Yanuyanu ko Beqa sa votu mamaca
Isa na wekaqu dou bula vinaka

Au vaka tulou ki na vei yavu tabu
Kerea a vosoti ena noqu cavucavu
Kemudou domoni sa tevuki e mataqu
E vuna tu qo na sesewa ni lomaqu

Na kena vei koro meu cavuta mada
Nai-seuseu, Naceva,Dakuibeqa era dau mateca
Soliyaga,Raviravi,Lalati kei Dakuni
Nawaisomo kei Rukua au na bole mate kina

Beqa ko domoni mo kila
Au na cibitaki iko voli ga
Au na dau bole mate
E vukumu walega

Na dela ni vanua era tubu drokadroka
Qai karakarawa tu na kena vei toba
Na kena Otela e vaka ciriloloma
Saravanua era dau domo-domona
Kenai divi na cakau balavu e viviga
Kilai tu vakaivola ena wasa Pacifika
Na vila vilairevo sa raboti vuravura
Ni gadi mai ka moni mai raica

Na lewenivanua mata mamarau
Na veikauwaitaki sa dau nodra I yau
Na kedra sasalu sa vaka matalau
Qai kuria na dui roka ni vei senikau

Beqa ko domoni mo kila
Au na cibitaki iko voli ga
Au na dau bole mate
E vukumu walega

Ni bera niu siro ki matavura
Au vaka obo-obo
Ki na koro ko Rukua
Tokatoka,Mataqali au tawa cavuta
Vuvale na Vitukawalu dou sa bula

Cavu noqui kelekele meu sa lesu tale
Na drega lei ni Ivi e kamica vuabale
Me sobuti kemuni a loloma mai cake
Na salu-salu ciri mai Natuicake

Beqa ko domoni mo kila
Au na cibitaki iko voli ga
Au na dau bole mate
E vukumu walega
Au na dau bole mate
E vukumu walega