Lirik :
Sayeuëp ka timôh ka punôh buleè nibak badan
Gaki ka timang ka manyang bak meu aröng rimba
Mata ka peungeuh chit ka deuh dönya kamoë pandang
Ka meuhô jalan tujuan arah woë ngon gisa

Kiban meu balah ë allah ya tuhan
Dua ureuëng nyan soë ék bayeuë jasa
Pôma peulahé ka jilé ië ruman
Ayah jra badan kamoë geupeulara

REFF 1

Kamoë jinoë hudép mangat
Kana pangkat dalam dönya
Na yang malém jeut keu teungku
Jeut keu guru bak sikula

Beurkat mata... yang hantôm thö
Sabé neurö neumoë ba-ë ayah pôma
Tiëp seumbahyang... neulheuëng jaroë
Wahé ë pô aneuk kamoë beu bahgia

REFF 2

Ë ya allah ya qadirön
Neu peu ampön ayah pôma
Ië mata ngôn reu-öh yang rö
Neupeuthö ngôn niëkmat syurga

Yang mantöng na... bèk na sakét
Neubri hudép beu sabé lam droneuh riza
Yang hana lé... kaneu riwang
Neubri lapang ë ya tuhan lam keureunda

INTRO 2

Langét ka supöt meubalöt ngôn cahaya bintang
Ka wateé malam tröh sajan uroë ka meutuka
Umu ka lupöt ka supöt mata bak geupandang
Ök dileè hitam lé tuhan ngôn putéh geutuka

Neubri kuasa keu kamoë ya tuhan
Meuneuk peuseunang ayah deungôn pöma
Bak sisa umu yang neubri keu gôpnyan
Beu ék ya tuhan kamoë peubahgia



#jasaayahpoma #laguaceh #husnialmuna