كلمات : فايز الرسلاني

أداء : ماجد الرسلاني

باسم ابو محمد هلا ومرحبا باللي حضر
ارحبوا ترحيبتن كنها جبال السراه

ليلةٍ من طيبها .. كنها نور القمر
من بياض وجيه الاجواد ماهو من سناه

في فرح عبدالعزيز ابن فرحان الشعر
يحضر وقبل الشعر تحضر الناس لغلاه

ياعساه الفين مبروك يا شبل الظفر
وياعسى الافراح تبقى على طول الحياه

دون دارك بالطواري تحرون الامر
لردع من هو ماتبع دينه وغرّه هواه

من وقف من دون داره بعلمه نفتخر
وانت ياعبدالعزيز اسمك نحيي نباه

يابن من هو ياعسى الله يمده بالعمر
ويحفظه ويدوم ضحكته ويتمم رضاه

وياخو رجالٍ لهم عندنا عز و قدر
كل من هم لاهقابه ولد عمه لقاه

والصخافه عزوتك عز وحزام وذخر
هم عجب عينك ليا ميّل الوقت بغثاه

ودامها بالشعر من دونك نهز الحفر
بالقصيد اللي على الكيف معناه وبناه

ابشر ابشر يابن عمي وانا حزام الظهر
صاحب يجمّل بني عمّه و صف خوياه

العبوا ياعيال وايل على عز وسطر
ماقبل هالليل ليلٍ ولاليلٍ وراه

والله انّا من هلا العز و ابعاد النظر
الرسالين المطنّخ مطوعة العداه

ان ضربنا ضربنا باللزم فج النحر
يتباشر كل ذيبٍ ورانا في عشاه

السناعيس السناعيس يالموت الحمر
ماكتبنا لاغزينا على شانك .. وصاه

فعلنا يشهد له اللي له عيون وبصر
فعلٍ بروس الرجاجيل .. وصدور الرواه

والله ان الوايلي لانتخى ودق الصدر
فزعته تسبق صدى صوت من قام ونخاه

ذي فعايلنا من اول وتبقى .. و تعمَر
دام احد من نسل وايل على قيد الحياه