Θάλασσας θα γομώνω | Αλέξανδρος Παρχαρίδης - Γιώργος Σοφιανίδης

Στίχοι - Μουσική : Αλέξανδρος Παρχαρίδης

Έπαιξαν οι μουσικοί :
Λύρα : Αναστάσιος Πετρόπουλος
Νταούλι : Γιάννης Πολυχρονίδης

Ηχοληψία - Μίξη : Γιώργος Μπακάλης ( Eastside Recording Studio )

Διεύθυνση Παραγωγής : Κωνσταντίνος Καρακασίδης

Οπερατέρ - Drone : Skywalker Aerial Cinematography by Δημήτρης Παπαδόπουλος

Σκηνοθεσία - Μοντάζ : Θοδωρής Σαρηβασίλης


📝 Στίχοι 📝

Σ’ ομμάτι͜α σ’ τ’ απερίγραφτα
Τα εμορφάδας όλια
Του Παραδείσ’ τα χρώματα
Απέσ’ σα δύο βόλια

Τα δάκρυ͜α μ’ αν φουρκίζ’νε σε
Τ’ ομμάτι͜α μ’ θα τσουρώνω
Κι αν κλαίω ψ̌η μ’ και χͮαίρεσαι
Θάλασσας θα γομώνω

Πόσα φοράς για τ’ εσέναν
Πουλί μ’, ετραυαγγέλτσα
Πόσα φοράς με τα δάκρυ͜α μ’
Τσ’ αγίους πα εκλαίντσα

Τα δάκρυ͜α μ’ αν φουρκίζ’νε σε
Τ’ ομμάτι͜α μ’ θα τσουρώνω
Κι αν κλαίω ψ̌η μ’ και χͮαίρεσαι
Θάλασσας θα γομώνω

Πέει με λόγια ντου ’κ’ είπες με
Κι εκράτ’νες ατα απέσ’ ισ’
Πουσπουριχτά σ’ ωτί μ’ καικά
Ν’ ακούω το νεφές ισ’

Τα δάκρυ͜α μ’ αν φουρκίζ’νε σε
Τ’ ομμάτι͜α μ’ θα τσουρώνω
Κι αν κλαίω ψ̌η μ’ και χͮαίρεσαι
Θάλασσας θα γομώνω

Έναν εγκάλιαν ψαλαφώ
Πουλί μ’, όντες φοούμαι
Κι έναν γλυκύν αξ̌άεμαν
Να ’πορώ και κοιμούμαι

Τα δάκρυ͜α μ’ αν φουρκίζ’νε σε
Τ’ ομμάτι͜α μ’ θα τσουρώνω
Κι αν κλαίω ψ̌η μ’ και χͮαίρεσαι
Θάλασσας θα γομώνω

⤛Γλωσσάρι⤜
απέσ': μέσα
βόλια, τα: οι κόρες των ματιών
φουρκίζ'νε: πνίγουν
τσουρώνω: στερεύω
θα γομώνω: θα γεμίσω
ετραυαγγέλτσα: έκανα τραυάγγελο (τετραυάγγελον), προσευχή με κείμενο περιέχων εδάφια από τα ευαγγέλια των τεσσάρων ευαγγελιστών που διαβαζόταν για ιαματικούς λόγους
πα: πάλι, επίσης
εκλαίντσα: έκανα να κλάψουν
πουσπουριχτά: ψιθυριστά
ωτί, το: αυτί
καικά: εκεί ακριβώς
νεφές [λ.τ. nefes]: ανάσα, αναπνοή
ψαλαφώ: ζητώ, γυρεύω
όντες: όταν
φοούμαι: φοβάμαι
αξ̌άεμαν [λ.τ. okşamak]: χάδι
να (ε)πορώ: να μπορώ