#be121
BE 121 JESUS RAJA NI HURIA
Jesus, Raja ni huria
na porsea, na badia,
pasupasu ma au on.
Sai sungguli ma rohangku
mangihuthon Ho, Rajangku.
Pargogoi ma au tongtong.
Pargogoi ma au tongtong.

Lehon Tondi Parbadia
saor tu roha ni huria
di sandok portibi on.
Asa tong sada rohaNa
nang marserak pe ruasNa
pasangaphon Ho tongtong,
pasangaphon Ho tongtong.

Sai palua ma ruasMu
sian nasa haholomon,
sian roha daging pe.
Ho sambing ma ale Tuhan
las ni roha ni punguan
na jumujung goarMi,
na jumujung goarMi.

Angka na di pangunjunan
na manaoni parsahitan
tatap ma sudena i
Sai patogu ma rohana
mangundukkon sitaononnna
asa marparbue i,
asa marparbue i.

Sai pauli huriaMu
asa lomo ni rohaMu
jumpang Ho di ruasMi.
Angka na serep marroha
na magigi mida dosa,
Ho ditiru sasude,
Ho ditiru sasude.

Tung arga do tinobusMu
hami angka siseanMu,
ingot hami ala nii.
Togu hami ale Tuhan
sian rura hasusaan
tu banuaginjang i,
tu banuaginjang i.

Musik by St Drs Nurdin Doloksaribu MSi from Musik Box Gereja

Kindly Subscribe-Like-Comment.
Terima kasih banyak.
🙏🙏🙏