الرادود #كرار_الكربلائي
#karrar_karbalaei

قصيدة | على بابه

كلمات الشاعر | زيد الحيدري


كلمات القصيدة
حُسين يا حبيبي
………
منو النه لوما هوه بالدنيه منو النه
من اهلنه امي تكول يحسين من اهلنه
محنه گلبه جروح متروس ومحنه
من اجنه مارد حته الخيول من اجنه

خايف عله اليسلبه خاتم اصبعه
وعن درب الاعوجيه بيده يدفعه
البيه هاكثر محنه شكد تلكه ربعه
بس وحده امامي وكسروله ضلعه
—————
من اجيله انسه الدنيه والبيهه من اجيله
وسيله غير حسين ماعدنه وسيله
طويله بينه وبيني العشره طويله
وجميله حياتي بخدمته صارت جميله

لوما خدمتي ماكو قيمه لحياتي
وبس هوه يستحقهه عيني واغاتي
من اختنك واحسا وصلت لهاتي
اوصل لبابه وارجع لاهلي اشحلاتي
———————
أجيته اطلب منه جم حاجه اجيته
ونخيته وعقلي زغير عالدنيه نخيته
ونسيته هذا حسين الكبالي نسيته
ولكيته طشر جسمه بس لمني لكيته

وي دينه امي ذره شيوفي ديني
مو دمعه ابجي لجلك كون ابجي عيني
لولا حسين بحياتي هسه اني ويني
سلعة ذنب رخيصه من يشتريني
——————-
اعله بابه تلكه الطير والخير اعله بابه
السحابه منه تحمل وتمشي السحابه
خضابه لون لكل ورد اصبح خضابه
وشبابه مثل النهر يجدد شبابه

مثل النهر جروفه ماردله ضامي
شايل محنة امي اعليه امامي
بنص هوسة الزياره ويسمع كلامي
وبجفه داوه جرحي بس جرحه دامي


للتواصل مع الحسابات الرسمية للرادود الحسيني #كرار_الكربلائي
Youtube:   / @karrarkarbalaei  

facebook:  / karairkrblaei  

instagram
https://instagram.com/karrar.karbalae...

telegram:https://t.me/Kararkarbalai


00:00 3:00 منو النه
3:1$ 5:40 من اجيله انسه الدنيه
5:44 7:40 أجيته اطلب منه
7:41 9:37 اعله بابه تلكه الطير