She'r muallifi: Mehrnoz

Ijodiy jamoa:

Muxammadxon Yusupov
Marjona Xidirova
Shohrux Najot

Avji yo’q ashula

Quyosh parchalandi,
Oy sindi chil-chil.
Men shinam uyimda saqlayman chilla.

Fikrlar muzlagan, g’oyalar o’lgan,
G’arb-u Sharq chirigan,
qurigan silla.

Biroq, umid bordir, davomiylik bor,
Manzil ko’rinmadi,
bitmadi yo’llar.

Homila ko’targan ayollar tirik,
Qorlarning ostida
jon saqlar gullar.

Do’zaxning oxiri jannatdir, balki
Zulmatning tubida
yaltirar shu’la.

#sher #mehrinoz