ပျူစောထီးအင်တာဗျူး အပိုင်း ၂ သန့်ဇင်အောင်
သန့်ဇင်အောင်ဟာ အသက် ၁၅ နှစ်အရွယ်ပဲရှိသေးတဲ့ ပျူစောထီးပါ။ ဒါပေမဲ့သူတို့ပျူအဖွဲ့ထဲမှာ သူကအသက်အငယ်ဆုံးမဟုတ်ပါဘူး။ အသက် ၁၃ နှစ် ၁၄ နှစ်တွေလည်းရှိပါသေးတယ်။
ဘာလို့ပျူစောထီးထဲဝင်တာလဲဆိုတော့ သေနတ်မမြင်ဖူးလို့ ပစ်ကြည့်ချင်လို့ဝင်တာလို့ဆိုပါတယ်။ သူ့အဖေဟာ တိုက်ပွဲဖြစ်ချိန်မှာ ပျူရွာကနေ ထွက်ပြေးလို့ ပျူစောထီးခေါင်းဆောင်ကပစ်သတ်တာခံလိုက်ရပါတယ်။
တခြားပျူစောထီးတွေနဲ့အင်တာဗျူးမှာသိရတာက သန့်ဇင်အောင်ကို အငယ်လေးလို့ခေါ်ပြီး ဆိုးဆိုးဝါးဝါးရာဇဝတ်မှုတွေကျူးလွန်ဖူးတာမရှိသေးပါဘူး။ ဒါပေမဲ့စစ်ဆေးရေးဂိတ်မှာဂိတ်ကြေးတောင်းတဲ့အချိန် ခရီးသည်က ကောင်မလေးတွေဆိုရင် ဖုန်းနံပါတ်တောင်းပြီး ညဘက်မှာဖုန်းဆက်လေ့ရှိပါတယ်။